KAFİYETÜL ELİF
Ela ey talibi ezkar teleb kıl idelim imla
Veya ey talibi envar kulak tut idelim ifşa
Dimişdir bazı raviler kim itmek zikri efdaldür
Dahi bazıları kuran okumakdır didi efdal
Velakin itdiler tevcih meşayıh bu iki kavli
Kimine zikri efdaldir kimine de kelam aksa
Kişi ger mübtedi olsa ki zikrullah ana efdal
Ve illa müntehilerden kelamullah olur evla
İşitkim müntehilerden haber virem sana bir bir
İdenler nefsini tekmil olanlar ilmile derya
Ki zira hadisinde buyurmişdür resulullah
Amel itmez ki bir kimse bu zikirden ola evla
Bu zikrullah size enfa’ makamatın ider erfa’
Kamu a’mali salihden idiser şanınız a’la
Kişi altun gümüşlerden eğer koysa eteğine
Dağıtsa fisebilillah bu zikrullah yine ecla
Bu kullara kelamında buyurdi fezkürüni hem
Sizi ben dahi zikir idem benim zikrimdür a’la
Bulardan dahi efdaldür fenafillah olub durmak
Fenadan da fena olur budur baş maksadı aksa
Ki zira hak tecelliler ider evvel sıfatlardan
İdiser sonra zatından esah olan budur nekla
Eğer zikre devam olsa idiser ruhları seyri
Terakkıye gidiserdir virir maksadların Mevla
Salat ile selam olsun resuli seyyidi halka
Bulunurmi halakyıkda habibullaha bir benzer
Bulara hak eğer bir kez tecelli kılsa ılminden
Olurdi cümlesi fani anın ılminde heb ifna
Ki zira ılmi nurindan doğarsa kalbe bir zerre
Yakardi masivallahı olurdi alemi Kübra
Buyurdi tanrı arslanı ılimdir kalbde bir nokta
Ilmi bu ılme dirler kim ol ider sahibin ihya
Bu dur baş ilmi batın kim keser dilsen hevayı nefsi
Tecelliden olur hasıl lisanından ider icra
Buyurmuşdır tealellah hadisi kudsi içinde
Kimi meşgul ide zikrim idem ilmi efdalin i’ta
Eğer kişi amel kılsa okuyub bildüğile ol
Virürdi bilmediğün hak kim iderdi ana ifa
Ki bunlar müntehilerdir okumak kuran efdaldir
Bulara ismi a’zamdır ki her bir harfi tertila
Eğer alim ve ger hafız eğer salih ve ger talip
Olursa mübtedilerden ana efdaldür zikra
Gel ey salik bu asiye kulak vir
İşit canı gönülden kim neler dir
Devam üzre çekersin ismi zatı
Bu varlıkdan bulursın sen necatı
İdüb tevbe inabet it şeyhinden
Ne söylerse kabul it sen tarikden
Mehabbet kıl ana sen can-u dilden
Dahi ta’zim idüb daim gönülden
Ne söylerse kabul it anı bil hak
Mürid olana lazımdır bu ancak
Anın emrin tutub gözle rızasın
Dahi terk it şeyhinden maadasın
Sakın daim gözün dikme yüzine
Kulak dut can-u dilden her sözine
Dahi red itme sen şeyhin kelamın
Ki fehm itmez isende hem meramın
Eğer irmezse aklın eyle te’vil
Kelamı şeyhi itme çarhı ta’dil
Seni muzdar kılursa şeyhin emri
Tefekkür eyle Musa ile Hazari
Taleb itme sakın ezkar-u evrad
Anın emrini kıl kendüne mu’tad
Tekellüm itme akvali fuzuli
O ne söylerse tut sem’ı kabuli
Nedir bu rabıta dinle kelamı
Nedir bu vasıta anla meramı
Gönül göziyle olmak şeyhe nazır
Bulub şeyhin cemalin dilde hazır
Mehabetle ana kıl intizarı
Bu nisbetden usanub olma ari
Temam aks eyleye kalbe kemali
Göresin anda envari camali
Mehabetle olub pirinde fani
Unut andan girü cümle cihani
Şu denlü galib ola sana nisyan
Gide pirinde ancak kala rahman
Tariki rabıta asıl usuldür
O dahi baisi seyri vusuldür
Sakın terk eyleme o şu’li paki
Onınla varlığın bulsun helaki
Kim evvel fani olursın şeyhinde
Ki sonra lezzet alursın tarıkde
Habıbullahda fani olursın
Dahi sonra fenafillah bulursın
Fenada yo’ olur bu cümle varın
Lütuflar idiserdir sana yarin
Tecelli idiser sana sıfatdan
Kim andan sonra ider dahi zatdan
Ela ey talibi ezkar teleb kıl idelim imla
Veya ey talibi envar kulak tut idelim ifşa
Dimişdir bazı raviler kim itmek zikri efdaldür
Dahi bazıları kuran okumakdır didi efdal
Velakin itdiler tevcih meşayıh bu iki kavli
Kimine zikri efdaldir kimine de kelam aksa
Kişi ger mübtedi olsa ki zikrullah ana efdal
Ve illa müntehilerden kelamullah olur evla
İşitkim müntehilerden haber virem sana bir bir
İdenler nefsini tekmil olanlar ilmile derya
Ki zira hadisinde buyurmişdür resulullah
Amel itmez ki bir kimse bu zikirden ola evla
Bu zikrullah size enfa’ makamatın ider erfa’
Kamu a’mali salihden idiser şanınız a’la
Kişi altun gümüşlerden eğer koysa eteğine
Dağıtsa fisebilillah bu zikrullah yine ecla
Bu kullara kelamında buyurdi fezkürüni hem
Sizi ben dahi zikir idem benim zikrimdür a’la
Bulardan dahi efdaldür fenafillah olub durmak
Fenadan da fena olur budur baş maksadı aksa
Ki zira hak tecelliler ider evvel sıfatlardan
İdiser sonra zatından esah olan budur nekla
Eğer zikre devam olsa idiser ruhları seyri
Terakkıye gidiserdir virir maksadların Mevla
Salat ile selam olsun resuli seyyidi halka
Bulunurmi halakyıkda habibullaha bir benzer
Bulara hak eğer bir kez tecelli kılsa ılminden
Olurdi cümlesi fani anın ılminde heb ifna
Ki zira ılmi nurindan doğarsa kalbe bir zerre
Yakardi masivallahı olurdi alemi Kübra
Buyurdi tanrı arslanı ılimdir kalbde bir nokta
Ilmi bu ılme dirler kim ol ider sahibin ihya
Bu dur baş ilmi batın kim keser dilsen hevayı nefsi
Tecelliden olur hasıl lisanından ider icra
Buyurmuşdır tealellah hadisi kudsi içinde
Kimi meşgul ide zikrim idem ilmi efdalin i’ta
Eğer kişi amel kılsa okuyub bildüğile ol
Virürdi bilmediğün hak kim iderdi ana ifa
Ki bunlar müntehilerdir okumak kuran efdaldir
Bulara ismi a’zamdır ki her bir harfi tertila
Eğer alim ve ger hafız eğer salih ve ger talip
Olursa mübtedilerden ana efdaldür zikra
Gel ey salik bu asiye kulak vir
İşit canı gönülden kim neler dir
Devam üzre çekersin ismi zatı
Bu varlıkdan bulursın sen necatı
İdüb tevbe inabet it şeyhinden
Ne söylerse kabul it sen tarikden
Mehabbet kıl ana sen can-u dilden
Dahi ta’zim idüb daim gönülden
Ne söylerse kabul it anı bil hak
Mürid olana lazımdır bu ancak
Anın emrin tutub gözle rızasın
Dahi terk it şeyhinden maadasın
Sakın daim gözün dikme yüzine
Kulak dut can-u dilden her sözine
Dahi red itme sen şeyhin kelamın
Ki fehm itmez isende hem meramın
Eğer irmezse aklın eyle te’vil
Kelamı şeyhi itme çarhı ta’dil
Seni muzdar kılursa şeyhin emri
Tefekkür eyle Musa ile Hazari
Taleb itme sakın ezkar-u evrad
Anın emrini kıl kendüne mu’tad
Tekellüm itme akvali fuzuli
O ne söylerse tut sem’ı kabuli
Nedir bu rabıta dinle kelamı
Nedir bu vasıta anla meramı
Gönül göziyle olmak şeyhe nazır
Bulub şeyhin cemalin dilde hazır
Mehabetle ana kıl intizarı
Bu nisbetden usanub olma ari
Temam aks eyleye kalbe kemali
Göresin anda envari camali
Mehabetle olub pirinde fani
Unut andan girü cümle cihani
Şu denlü galib ola sana nisyan
Gide pirinde ancak kala rahman
Tariki rabıta asıl usuldür
O dahi baisi seyri vusuldür
Sakın terk eyleme o şu’li paki
Onınla varlığın bulsun helaki
Kim evvel fani olursın şeyhinde
Ki sonra lezzet alursın tarıkde
Habıbullahda fani olursın
Dahi sonra fenafillah bulursın
Fenada yo’ olur bu cümle varın
Lütuflar idiserdir sana yarin
Tecelli idiser sana sıfatdan
Kim andan sonra ider dahi zatdan
